INICIATIVA INTERNACIONALISTA TÀ EURÒPA

Eth Tribunal Constitucional a deshèt era illegalizacion d'Iniciativa Internacionalista. Per tant era lista d'Alfonso Sastre se porià presentar entàs eleccions europenques deth dia 7 de junh. Aguesta sentencia a estat votada en Tribunal Constitucional per unanimitat. Ei eth prumèr viatge qu'eth Tribunal Constitucional contraditz ua senténcia dera sala 61 deth Suprem. Açò semble èster ua bona noticia. Se poiran presentar partits de totes es tendències. Encara que non toti es volerien. Se voletz mès informacion sus aguest tèma. 

http://www.publico.es/espana/227130/tribunal/constitucional/tumba/ilegalizacion/inicitiva/internacionalista

Tanben cau ahiger que an publicat eth sòn manifèst en Aranés. En un principi i ère en Català, Euskara, Galego, Asturianu, Aragonés, Castellano, Llionés e Cántabru e ara fin l'auem podut veir en aranés. Me semble plan coerent qu'un partit politic que s'autonomente internacionalista age eth sòn manifèst enes diferentes lengües des diferentes nacions que i a laguens d'un madeish estat. Cau dider, qu'en un principi non pensaua pas qu'aquiu i apareishesse er aranés, mès ara fin òc, e me semble qu'ei un hèt important qu'er occitan se veigue en lòcs dehòra deth sòn territòri. Que se veigue qu'er occitan existís.

MANIFESTACION EN CARCASSONA

Torni a apareisher per aciu. Durant aguest long temps que non auem escrit arren en blòg, auem estat fòrça ocupats. Mès ara que sò aciu vau a aprofitar entà parlar-vos sus quauquarren interessant. 

Supausi qu'era majoria d'occitans que liegeratz eth blòg ja sabetz qu'aguest més d'octobre aurà lòc en Carcassona era manifestacion a favor dera lengua occitana. Ei possible qu'aguest blòg lo liege tanben gent que non sapie de que va tot açò. Donques entà d'aguesta gent vau a escrieuer.

Eth 24 d'octobre de 2009 se celebrarà era tresau manifestacion Anem òc! Per la lenga occitana! Ja ei eth dusau an que se hè en Carcassona. Aguesta manifestacion consistís en ua sèrie d'actes e parlaments e ua passejada pes carrèrs dera ciutat. Eth prumèr an s'i apropèren ues 10.000 persones, è dus ans en Besièrs 20.000, e aguest an demorem que siguésquem fòrça mès, e mos hésquem entener per tot. Se i vau aguest an, serà eth prumèr an que i aurè anat, e semble ua causa fòrça interessanta. Ei possible qu'en acabar era jornada, pera net, i age concèrts de musica damb grops occitans. Se voletz mès informacion sus aguesta manifestacion podetz visitar era oèb oficiau: http://anemoc.org

Per un dia que escrieui, vau a aprofitar entà dider-vos que s'a tornat a illegalizar un aute partit basc que se volie presentar entàs eleccions europenques. Eth partit ei Iniciativa Internacionalista. Solet enténer a parlar sus era creacion d'un  nau partit en Euskadi ja comence eth procés entà illegalitzar-lo. Non me semble normau, mès jo non enteni sus politica, supausi que darrèr de tot açò i deu auer interessi politics, er interés per un bipartidisme ja en tot er Estat espanhòu, mès non sabi.

Ua causa mès, durant era setmana que ven, vam a auer ua petita sorpresa en blòg. A jo me semble que serà ua causa fòrça interessanta.

Adishatz a toti.

La Folie - Goulamas-k

VISCA ERA DEMOCRÀCIA!

Adiu a toti, dempús de un bon temps sense escrieuer arren tornam damb ua noticia dolenta.            En Euskadi non i quede cap partit politic legalitzat dera esquèrra abertzale. Dempús dera ilegalitzacion d'ANV e EHAK-PCTV è un temps, ager s'ilegalitzèren ASKATASUNA e DEMOKRAZIA HIRU MILIOI (D3M), per ua supausada vicolacion damb ETA e damb BATASUNA e per tant non poderan presentar-se entàs eleccions en Euskadi. Semble que açò les interèsse ath PP e PSOE e dilhèu tanben a PNB, atau non auran tanta competencia. Açò que esta passant non ei normau, s'amplissen era boca parlant de democràcia, libertat... e permeten, ei mès, vòlen que un gran nombre de gent en País Basc non pogue anar a votar, ja que non i aurà arrés que defense es sues idies.                            En an 1993 assessinèren a Guillem Agulló, un grup dera ultradreta. Un membre siguec condemnat a 4 ans de preson per aguest assessinat mès ath gesser dera preson se podec tornar a presentar as eleccions damb eth partit ath que pertanhie (partit dera ultradreta espanhòla), e non s'ilegalizèc pas.   En definitiva, era Lei de Partits ei ua lei creada per e entath PP e PSOE, entà es sòns interèssi e entà era sua democracia.

FANFARE DES GOULAMAS- LOS DIABLES DE LA GARRIGA

Era fanfara des Goulamas dempús de portar fòrça ans actuant en passaviles, hèstes... a trèt un disc plan interessant, a on i son totes es cançons que podetz entener enes sues passaviles. Podetz escotar quauques cançons en myspace dera fanfara, e podetz comprar eth disc ena web de Goulamas-k: http://www.myspace.com/lafanfaredesgoulamas




Eth grop Goulamas-k, er escultor sus metau Pablo Quedad, era comedianta dera Compagnie System D Christelle Lefevre e eth comediant Romain, an creat er espectacle Los Diables de la Garriga. Aguest espectacle ei basat ena legenda deth Garrigal de Puech-Serguier. er espectacle ei basat enes Diables Catalans e eth Drac Occitan. Eth Garrigal ei un drac de hèr e de huec, miei poth, miei arrat ei un carruatje de dimensions desmesurades ( 10m de long, 5m d'ample e 5m de nautada). Aguest ei eth joguet des Diables Dera Garriga que hèn huecs d'artifici, en tot tocant musica electro-trad-punk. Se voletz informar-vos exactament sus que ei açò, e se voletz lieger era Legenda deth Garrigal de Puech-Serguier, qu'ei ua legenda plan polida, visitatz era web de goulamas-k.

www.goulamas-k.com

RADIO ENA VAL D'ARAN

Ena Val d'Aran, coma toti sabetz a ua lengua pròpia e oficiau que ei er aranés (occitan d'Aran) mès non i a television en aranés (occitan) sonque eth diuendres en TV3 entath mieidia e radio 30 o 45 menuts peth maitin ena emisora de Catalunya Informació e pro. Que non i age television e radio pròpies, ac pogui comprene, ei un lòc petit... Tanben esta ben que se hèsquen es informatius deth maitin e un resum dera setmana eth diuendres, mès da era sensacion de que falte quauquarren. En aute costat dera frontèra politica (que non fisica), ena Occitània grana i a diuèrses radios que emten en occitan, es lòcs des d'on emeten aguestes radios ei relatiuament apròp ara Val d'Aran, jo non sai coma foncione aguest tèma, mès tant dificil ei que eth Conselh dera d'Aran hèsque lo necessari entà aconseguir que aguestes radios que s'entenen peth costat dera Val d'Aran, mès en estat francés se poguen arribar a entener en Aran. Torni a repetir que non sai com va açò, se quauquarrés me pòt dider se ei impossible o se non ei tan dificl, ac agrairia molt. Cau tier en compde que jo ena Val d'Aran pogui entener ua radio que s'emet en Madrid e en Barcelona, que ei mès luenh, mès tanben ei vertat que ei eth madeish estat. Escriuent açò jo sonque volia se quauquarrés m'ac pòt explicar. fòrça gracies
Adishatz

GAROÑA NO, GRÀCIES

Eth dia d'ager, uns activistes de Greenpeace, se plantèren deuant dera vielha centrau nuclear de Garoña, en Burgos. Siguec un acte pacific per part de Greenpeace, mès per part des vigillants dera centrau non, les receberen damb manguères d'aigua a fòrça pression, mès resistiren enquia auer plantat un gran container, entà estar-i quauqui dies. Logicament aguesta non ei era unica organitzacion que protèste contra aguestes centraus nuclears tant antigues, as quaus ja les tocarie barrar mès sajen de alongar era data de barrament, se non que totes es organitzacions ecologistes ac hèn, d'ua manèra o ua auta. Realment es centraus nuclears pòden èster perilhoses a part d'èster molt contaminants, e mès aguestes tan vielhes que poden començar a falhar es cuases, coma en Ascó o Vandellós.

Occitània contra lo nuclear!

Adishatz a toti!

TORNEM-I

Adiu a toti.
Auem estat ua bona temporada sense escriuer arren en blòg. Ja sigue, per manca d'internet, per ganduleria... Mès ara vam a proposar-mos de penjar un escrit setmanau com a mínim. Jo me comprometi a penjar un dia ara setmana bèth escrit, mès se bèra setmana no pogui demori que me perdonesquetz. Demori que continuesquetz entrant en blòg, pr'amor que ara anarà cambiant.
Ua abraçada a toti.
Farem tot petar!

MONUMENT EN AUMENATGE ARA LENGUA E CULTURA ARANESA

Eth passat dissabte 11 d'octobre, siguec inagurat eth bastiment d'un monument que represente ara lengua e cultura aranesa ena localitat de Vielha.
Eth monument, qu'ei eth resultat dera colaboracion dera asociacion aranesa: "Lengua Viua", e eth trebalh de plasmacion dera idea deth arquitecte Andrèu Ricard, a estat bastit damb pèira dera cantèra de Les (Val d'Aran) en Itàlia.
Ena presentacion podérem enténer es paraules de Lisa Escala, portanveu dera associacion, e de Janet Ricard, era fraia deth arquitècte, que liegec un discors escrit peth madeish, pr'amor que non poguec assistir ar acte. Tanben parlèc Paco Boya, síndic d'Aran.
Eth monument qu'ei plaçat ath deuant deth Conselh Generau d'Aran.

LO BLOGUITGE. QU'EI AQUERÒ??

Lo Bloguitge ei un malhum de blògs occitans: cada blogaire place era lista des auti sus eth sòn blòg. Atau es cercadors coma Google e d'auti mos mòstren en es sues cerques, hè mes buzz occitans ena web e mos permet de coneisher d'auti blogaires occitans.
Entà participar d'aguest projècte cada blogaire a de placar sus eth sòn blog era lista e acceptar aguesta carta:

1- Volem defensar e difusir era lengua occitana(laguens de totes es sues variantes) utilizant-la sus internet entà parlar de tot.

2- Volem participar ena construccion dera civilizacion occitana, eredèra des trobadors, deth Felibritge e dera cultura populara entà portar ara civilizacion umana mondiau era nòsta votz e eth nòste punt de vista originau.

Aciu auem era lista actuau e actualizada des membres de Bloguitge:

• Conselh amistós de lectura
• De causas e d'autras
• Fotografias e mei ...
• Ieu Maitot
• La cabra e lo lop
• Lo blòg deu Joan
• Ma vida amb ieu
• Marçau Peyrouny
• Mescladís e còps de gula
  
• Lo blòg MXL87
• Sens títol
• TÈRRAS D'ÒC
• Un jorn t'i tornaràs far!
• eth gat-esquirò
• lo parpalhon vagamond
• lo blòg de Faidit
• Paraulas Perdudas
• LO PAÍS
  

ARAN PER SA LENGUA

Aran per sa lengua, siguèc estonant, com cada an. Nadau eiguèc un beròi concèrt en que no manqueren es cançons, que mes que mes son himnes dera nòsta térra.Tapòc escatimeren es còps de moscatelh ne es bocins de còca.

Siguéc fòrça polit de véir a ua gran part dera joenessa d'Aran vinculada damb era lengua e cultura pròpies deth país. Encara que un gran numerò sonque se botje pera tèrra aquèth dia. Desde aguest blog, convidam a toti es joeni d'Aran a reivindicar-se a favor dera val d'Aran en benefíci dera nòsta cultura e identitat pròpies. Per qué non poder decidír sus eth futur deth nòste territòri?Per qué non amassamos toti e sajar de hemos a sénter? Per qué non reivindicar era nòsta cultura, que semble que cada viatge semble que sigue més mòrta? Per qué non formar part des joventuts deth prumér partit que lute pera lengua e cultura aranesa e occitana?
Entre toti es joeni, gojats e gojates, que poiríem sajar de hèr bèra causa grana, e que se mos prenès més en compde.
Més enta d'açò, non auem de sentirmos reivindicatius sonque eth darrèr dimenge de junhsèga ena hèsta d'Aran per sa lengua. Cau reivindicar-se es 24 hores deth dia, 7 dies ara setmana, e açò coménce peth usatge deth aranés!Parla-lo!

NON ATH TRANSVASSAMENT!

Adiu a toti.
Aué vos voi parlar sus eth transvassament que se vò hèr en riu Ebro. Ei sabut per toti que en Barcelona i a falta d'aigua ( non solet en Barcelona), mès era aigua der Ebro serie en major part tà Barcelona. Barcelona a mieis suficients entà aconseguir aigua, com comprar-la... Entà hèr aguest transvassament calerie expropiar es tèrres a uns 800 pagesi que viuen d'aquerò, vau era pena destroçar era vida a 800 pagesi, destroçar era natura, entà poder hèr arribar aigua en Barcelona, que a era capacitat de comprar-la, e qui mos ditz que damb aquera aigua non s'ampliran piscines, e se regaran jardins? Se diderem non ath transvassament quan volien portar era aigua entà Murcia e País Valencià, perque ara cau dider que si? Dilhèu non ei exactament eth madeish cas, dilhèu.
En tot cas des d'aguest blòg èm en desacord damb eth transvassament.Perqué tostemp cau ajudar a Barcelona?, se dempús eth govèrn català ei centralista, se preocupe mès de Barcelona que des zones de montanha, per exemple, o des tèrres de Ebre.
NON AS TRANSVASSAMENTS!!!

Visca era tèrra!

OGM

Es OGM com eth sòn nòm indique vò dider Organismes genèticament modificats. Son organismes sintetizants en un laboratòri entà que creishquen mès rapidament e que siguen fòrça mè grani. I a fòrça organitzacions ecologistes que ja ac an denonciat ja que pòden contaminar cultius naturaus a causa deth vent. Era gent que ei a favor d'açò ditz que pòt erradicar era gana en mon, e se pòden configurar aliments tà evitar malauties, com per exemple vaques que donguen lèit damb antibiòtics... Açò serie un desastre, ja se perderie tota era naturalesa des aliments e serie tot quimic e artificiau, creat damb era tecnologia. Era industria des OGM no compde damb eth supòrt de cap país deth mon, e s'està imposant ara fòrça. Des de aguest blog mos unim ara campanha en contra des OGM.

DIA INTERNACIONAU DES TREBALHADORS

Eth passat dia 1 de mai siguec eth dia internacionau des trebalhadors, i aueren fòrça manifestacions per tot eth mon. En estat espanhòu toti es sindicats(cnt, ugt, ccoo...), convoquèren manifestacions aguest dia, entà reclamar es drets des trebalhadors.


CNT (espanha)
CNT ( frança)
UGT
CCOO

ERA TORNERIA

Adiu a toti, ací vos deisham ua petita explicaion sus lo que ei era torneira e que se n'a hèt ara.

-Que ei era Torneria?

Eth dret dit de torneria ei ua lei que regíe vigenta en territòri dera Val d'Aran des deth 23 d'Agost deth an 1313 enquia hè un corròp de mesi.

-Quini privilègis autòrgue era Torneria?

Damb era Torneria, quinsevolh persona aranesa, se credie convenient eth auer de véner cases, tèrres o quinsevolh propietat sua auie de recórrer en prumèr lòc as frairs (en cas de que n'auessen) o as membres dera familha més propèrs entà que sigues un membre dera familha qui poguès contunhar damb era possesion des propietats, de manèra qu’es tèrres d' Aran tostemps perteneguesen as aranesi. S’era familha didie que non, alavetz eth venedor ac podie véner a quinsevolh persona, encara que sigue extranha ara torneria.

-A on ei era torneria?

En Llibre cinquè deth codi civil de Catalunya s’eliminèc eth dret de torneria qu’ara sonque ei aplicable a finques rustiques e cases pairaus, e non a tot tipe de finques, cases, tèrres...
Eth libre cinquè siguec aprovat peth Parlament de Catalonha eth mes de mai de 2006. Alavetz perderem un des drets mès antics deth nòste pòble. Quauquarres mos aurie d’explicar perque?

OCCITÀNIA A PÈ

Adiu kamarades.
Aguest an 2008 ena nòsta nacion, Occitània, aurà lòc un hèt que podem dider que serà important. Se tracte de ua caminata que gesserà eth 30 d'agost de Vinai en Val d'Estura, e acabarà eth 7 de noveme en Vielha, Val d'Aran. Aguesta caminata durarà 70 dies de viatge damb mès de 1300 km. Aguest ei un hèt important entara lengua e cultura occitana, que ei pratimòni mondial dera humanitat, entà da a coneisher ath mon era lengua des trobadors, de Frederic Mistral.... Es dera foto son es "organitzadors" d'aguesta accion. Entà saber mès sus aguest tèma, visitats aguest lòc: Chambra d'òc

Visca Occitània e tots los pòbles!!!

REPRESION CHINA EN TIBET

Tibet ei un petit país en Himalaya, que ara forme part de China. Entàs Jocs Olimpics no dèishen participar a Tibet com a un país independent, e açò provoquèc manifestacions pacifiques per part dera gent deth Tibet. En canvi China a començat ua fòrta luta contra aguest petit país, aucint a gent, que participe en protèstes tostemp pacifiques. Eth Dalai-Lama, eth lider espirituau deth Tibet viu en exili per culpa de China. China ei ua dictadura, diden que comunista, pero açò non ei comunisme ne ei arren. Aciu vos dèishi tres webs enta poder signar ua peticion entara libertat deth Tibet: http://www.rsf.org/article.php3?id_article=22659
http://www.petitionthem.com/?sect=detail&pet=3921
http://www.avaaz.org/fr/tibet_end_the_violence/27.php
Visca Tibet liure!!!
Comunisme e libertat!!!
Que desapareishquen totes es dictadures!!!

ELECCIONS 2008

Eth PSOE a guanhat es eleccions, que volguesquem o no tostem ei milhor que non eth PP, pero no mos enganhesquem, que açò no serà bon entà Catalunya. Es dus partits an augmentat en vots desde er an 2004 e per sòrt non an aconseguit majoria absoluta. ERC a baishat ara mitat de representants e en canvi CIU a aumentat en un, e IU a perdut eth grup parlamentari.

ELECCIONS 2008

Aué, dia 9 de març an lòc es eleccions generaus der estat ath quau pertanhem, mès que non ei era nòsta nacion. Sonque pòden guanhar dus partits, PP o PSOE, que guanhe qui guanhe non serà pas guaire bon entà Catalonha e enta era Val d'Aran. Quan agen passat es eleccions ja tornaram a escrieuer comentant aveir que tal a anat tot. Entà acabar sonque dider ua causa, er antentat de ETA a estat un atentat cobard, contra un praube òme.
Adishatz a toti!!!

LA "NERVIÓS TROBADORS"

Eth passat dia 16 d'hereuèr auec lòc en pòble de Capestang eth concèrt de presentacion deth nau Goulamas-k, era "Nerviós Trobadors". Coma tostemps no i poguí anar mès ma'n condat quesiguec ua passada. Non se pòt dider que sigue milhor que eth de "Fai Petar" mès tanpòc ei pitjor, ei diferent. Damb un estil mès tradicionau, mès tostemps damb er Ska, eth ragga e eth ròck que caracteritzen a Goulamas-k. Entà qui volgue veir es fòtos deth concèrt e veir 3 videos aciu vos passi un link: http://ceramiste-peintreapuisserguier.midiblogs.com/ ei fòrça interessant.
mèrci plan a toti e adishatz

FREEBATASUNA

-OCCITAN
Deuant era detencion de pròp de 20 representants dera esquèrra independentista basca, auem iniciat ua campanha de denuncia.

Se ès d'acòrd damb eth manifèst, unis-te-i.

Sonque as de penjar un comentari en tòn blog, mensatgeria instantania, corrèu electrònic, myspace, fotolog... damb era paraula freebatasuna.


Manifest:
Entà ua solucion democratica, sobren es paraules: freebatasuna.

-EUSKARA
Euskal ezker independentistako 20 ordezkari inguru atxilotu dituztela-eta, salaketa kanpaina abiatu dugu.

Adierazpenarekin ados bazaude, bat egin ezazu.

Zure blogean, bat-bateko mezularitzan, epostan, Myspacen, Fotologen... freebatasuna hitza duen post bat idatzi besterik ez duzu egin behar.

Adierazpena:
Konponbide demokratiko baten alde: hitzak soberan daude: freebatasuna

-CATALÀ
Davant la detenció de prop de 20 representants de l’esquerra independentista basca, hem iniciat una campanya de denúncia.

Si estàs d’acord amb el manifest, uneix-t'hi.

Només has de penjar un post al teu blog, a la missatgeria instantània, correu electrònic, myspace, fotolog… amb la paraula freebatasuna.

Manifest:
Per una solució democràtica, sobren les paraules: freebatasuna

-CASTELLANO
Ante la detención de cerca de 20 representantes de la izquierda independentista vasca, hemos iniciado una campaña de denuncia.

Si estás de acuerdo con el manifiesto, únete.

Sólo tienes que colgar un post en tu blog, en mensajería instantánea,e-mail, Myspace, Fotolog... con la palabra freebatasuna.

Manifiesto:
Por una solución democrática, sobran la palabras: freebatasuna

-ENGLISH
We have started a campaign to report the arrest of near 20 Basque left wing independentist representatives.

If you agree with our manifest, join the campaing.

You just need to publish a post in your blog, instant messenger, e-mail, Myspace, Fotolog... with this word: freebatasuna.

Manifest:
Looking forward to a democratic solution, words are more than enough: freebatasuna

-PORTUGUÉS
Perante a detençom de perto de 20 representantes da esquerda independentista basca, iniciamos umha camapanha de denúncia. Se estás dacordo une-te.

Só tés que pendurar um post no teu blog, mensageria instantánea, e-mail, Myspace, Foto-log... coa palavra freebatasuna.

Manifesto:

Por umha solucçom democrática, as palavras sombram-se: freebatasuna.

-ARAGONÉS
Debán d´a detenzión d´arredol de 20 representans d´a cucha independentista basca ,emos escomenzipiato una campaña de denunzia.

Si yes d´alcuerdo con o manifiesto ,une-te.
So tiens que colgar un post en o tuyo blog,en mensacheria instantania ,e_mail,Myspace,Fotolog..con a parola freebatasuna

Manifiesto:
Per una soluzión democratica ,sobran as parolas :freebatasuna

-ITALIANO
In seguito all'arresto di una ventina di rappresentanti della sinistra indipendentista basca, abbiamo iniziato una campagna di denuncia.

Se sei d'accordo con il manifesto, partecipa.

Devi solo pubblicare un post sul tuo blog, sul tuo messenger, e-mailm Myspace, Fotolog... con la parola freebatasuna.

Manifesto:
Per una soluzione democratica, non servono altre parole: freebatasuna

-FRANÇAIS
Face à la détention d’une vingtaine de représentants de la gauche indépendantiste basque, nous avons lancé une campagne de dénonciation.

Si tu es d'accord avec le manifeste, unis-toi.

Il suffit de mettre un post dans ton blog, sur un réseau de messagerie instantanée, émail, Myspace, Fotolog... avec le mot freebatasuna.

Manifeste : Pour une solution démocratique, les mots sont de trop : freebatasuna

-GALEGO
Perante a detención de preto de 20 representates da esquerda indepentistas basca, iniciamos unha campaña de denuncia.

Se concordas sumate.

Só tes que pendurar un post no teu blog, en mesaxeria instantánea, e-mail, Myspace, Fotolog.... coa palabra freebatasuna.

Manifesto:

Por unha solución democrática, as palabras sobranse: freebatasuna.

-ASTURIANU
Énte la detención d'una ventena de representantes d'esquierda independentista vasca, entamamos una campaña de denuncia.

Si tas d'acuerdu, sofita'l manifiestu.

Namái tienes qu'espublizar un post nel to blogue, nel to messender, corréu, Myspace, Fotolog... cola palabra freebatasuna.

Manifiestu:
Por una solución democráctica, les palabres sobren: freebatasuna.

DARRÈR CONCERT DETH GOULAMAS-K DE FAI PETAR!

Eth passat dimenge dia 14 de deseme, auec lòc en Castres eth darrèr concèrt de Goulamas-k damb er espectacle Fai Petar! Jo no i siguí mès siguec un espectacle emocionant, marchen fòrça musics mítics deth grop.

ERA VAL D’ARAN, ETH PARADÍS LINGÜISTIC D’OCCITÀNIA

Era Val d’Aran, un petit parçan en bèth miei des Pirenèus, ei er únic lòc d’Occitània a on er occitan ei lengua oficiau e se pòt trobar en carrèr, administracion, collègi... Tot açò ei possible gracies as govèrns dera Val d’Aran e de Catalonha, que son fòrça tolerants e accèpten er occitan(aranés) com ua lengua mès en sòn territòri. Gracies ara luta deth Conselh Generau d’Aran, en estatut de Catalonha se definís er aranés coma lengua oficiau laguens de tot eth territòri catalan, causa fòrça importanta ja que quinsevolh persona aranesa que se volgue adreçar ara Generalitat de Catalonha ac pòt hèr en aranés, era sua lengua. Açò non passe pas en es Valadas Occitanas en Italia e molt mens en França que l’estat a coma única lengua eth Francés. França ei un estat totalitari, molt patriòta qu’aime pas es lengües minoritaries.

En quant a politica era Val d’Aran se caracteritze pera pòca fòrça que a eth PP (partit popular), partit espanholista que poderie èster dolent entara Val, partit que ei fòrça potent en Espanha.. Es alcaldes de toti es pòbles se repartissen entre UA(unitat d’aran) qu’ei un partit socialdemocrata e autonomista e damb sentiment aranés, e entre CDA (convergencia democratica aranesa) qu’ei un partit centrista e autonomista, mès damb un sentiment aranés e a favor dera Val d’Aran. Er actuau Sindic d’Aran, Paco Boya ei deth partit UA. En canvi, ena capital d’Aran, en Vielha qui govèrne ei eth Partit Popular, partit de dretes, que encara que siguec eth mens votat damb un solet representant ena ajuntament, pactèc damb CDA e ara ei eth PP qui govèrne ena capitau. I a un aute partit, IAV(iniciativa per aran es vèrds), un partit ecologista d’esquèrres damb fòrça pòqui votants. Darrèraments a neishut un nau partit politic ena Val, ERC-OC(esquèrra republicana occitana) que ven deth partit catalan ERC, partit d’esquèrres e republican que a creat es Jeroc (joventuts d’esquèrra republicana occitana).

En quant ara lengua ena Val d’Aran, er aranés ei comprés pera majoria dera poblacion e lo sap parlar mès deth 90%. Mès er aranés non ei era lenga que mès se parle en Aran, ei eth castelhan(lenga oficiau tanben), dempús er aranés e per ultim eth catalan(tanben oficiau). De tot açò podem concluir que sòrt n’i a que sigue obligatòri er ensenhament en aranés enquia es 15 ans. Eth sentiment de fòrça aranesi non ei un sentiment Occitan, ei un sentiment de una Val d’Aran laguens d’Espanha. Mès tanben i a aranesi que se senten occitans, d'auti que sonque aranesi, d'auti aranesi e catalans.... Mès açò non a arren que veir se ua persona estime era Val d'Aran, e la respècte.

GOULAMAS-K NON S'ARTURE PAS!!!

Adiu, quina felicitat, dempús que ena plana web de Goulamas-k auesquem vist aguesta noticia GOULAMAS-K NE S'ARRETE PAS!!! (goulamas-k non s'arture pas).
I a ua important restructuracion deth grop. Lo dèishen 5 musics ( Filou, Pedro, Amaia, Reno e Didier), e se queden 2 musics (Fred e Yannick) e es dus tècnics de son e lums (Angel e Claudie).
E arriben 4 musics naui( Vincent, Sylvestre, Fredo e RV) damb fòrça ganes de tocar, damb un nau espectacle NERVIOS TROBADORS. Tot açò serà en mes de hereuèr(fevrier). E de moment encara podem disfrutar deth goulamas-k de FAI PETAR!. Demoram que aguest cambi sigue ta ben, e continuen tocant igual de ben, que ei ua passada. Fòrça sòrt as musics que s'en van, e tanben as que arriven e as que se queden.
Molta sòrt amics!
Adishats!

ARNAPI

Grop de musica occitan deth Bearn, que tòque punk-r'òc, completament en occitan. Ei un grop que lute pera cultura occitana, e era lengua.

DENTENCIONS DE MEMBRES DE BATASUNA

Adiu collègues.
Que vos semblen es detencions dera cupula deth partit basc ilegalitzat Batasuna? Jo pensi que açò dificulte eth procés de patz en Euskadi, ja que tot eth mon a dret de expressar es sues idees. Açò non pòt èster, atau jamès s'erradicarà era violencia.
Ja anarè ampliant mès, ara non è temps.
Adishats.

ANARAM AU PATAC ENA VAL D' ARAN

Adiu companhs. Aué volia parlar sus ua reunion que auram un grup de joeni aranesi, damb un grup d'amics de Pau, d'era organitzacion Anaram Au Patac (AAP), entara possibilitat que sigue ena Val d'Aran.
Açò serie hèra plan, ja que en Aran ia joeni que se senten occitans e ac vòlen manifestar.
Encara non sabem era data dera reunion, mès pensam que serà durant aguest mes d'octobre o noveme.

BLOG

Adiu a tots e totes, ací vos presenti un blog de ua amiga de Monteplher. Eth Blog parle sus los grups de musica occitans.


sit blog

CONCERT EN BRASSAC

Adiu
Ja torni a èster aicí. Eth concèrt de Goulamas-k en Brassac, siguec ua passada, e tant jo com Espí mos ac passèrem super ben. Ere eth prumèr viatge que anauem a un concèrt d'aguest grup, e èm fòrça contenti. Ademès toti es musics deth grup son super simpatics, e les dèrem eth drapèu dera Val d'Aran, e lo pengèren en escenari, e mos dediquèren ua cançon " SKATALUNYA". E tanben me signèren eth disc de "FAI PETAR!".
En definitiua, estèc molt guapo, e demori que ara Espí escriue quauquarren.
Adishats

CONCERT EN BRASSAC

Ja ère ora. Eth mèn prumèr concèrt de Goulamas-k, serà en Brassac eth 4 e 5 d'agost. Supòsi que i aurà gent, e que serà divertit. E tanben demoram coneisher a toti es musics deth grop (e, Espi??). Ar acabar eth concèrt tornaram a escriuer quauquarren sus com anèc.


Visca Goulamas-k!!!!!!!!