31/1/10

MEJANS DE COMUNICACION

Ena Val d'Aran, cada dia me'n dongui mès compde que i a mès manipulacion en unic mejan de comunicacion que i a en aranés, catalunya radio(cada maitin mieja ora). S'informe perfèctament de noticies que passen en Catalonha, en Barcelona e en mon, mès s'amaguen noticies, es pògues, que passen ena Val d'Aran. Per qué açò? Donques perque es que informen son tocadi per aguesti hèts. Sonque per açò, era gent dera Val d'Aran non ei ben informada. Ei eth cas, eth der assassinat deth amo deth prostibul de Vielha en Tolosa, era "jefa" de catalunya radio ena Val d'Aran n'a gessut tocada, dirècta o indirèctament, e aguesta noticia non l'auem podut entener ena radio. Sò segur que se açò li auesse passat a quauquarres "normau", n'auessen parlat, e auessen criticat e auessen linchat. Açò ei pura mafia. E non s'a dit arren d'arren, ja deu èster acabat eth judici, mès es aranesi no'n sabem arren.
Igualment ena radio, i parle cada dia ua persona que resulte qu'ei conselhèr deth Govèrn d'Aran. Non me semble mau que parle ena radio, igual que non me semble mau que sigue conselhèr. Sò que non pòt èster ei que i age un conselhèr que trebalhe ena radio. Ei un shinhau sospitós, mès que mès pera falta de credibilitat, sustot pera manca d'objectivitat que i pòt auer. Ua persona que participe activament en politica, que forme part deth govèrn non pòt formar part d'un miei de comunicacion, dan noticies objectivament.
Non sabi se m'è explicat corrèctament, e non sabi se toti m'auratz comprenut, mès qu'ei atau, se i a dubtes, demanatz que jo arresponerè.
Salut!

2 comentaris:

優次 (Yuji) ha dit...

Alavetz aths aranesi que vos cau sajar de crear de miejans alternatius entà aumplir eth vuet que i a. ;)

Farri ha dit...

Açò ei méter Catalonha Ràdio ath nivèu de Canal 9 o Telemadrid. Non m'estone bric, totun, qu'ei un hèt denonciable que cau dar a conéisher per toti es mejans. Voleria mès informacions sus er assassinat deth mèstre deth prostibul de Vielha.

Per çò qu'ei der espaci deth conselher cada dia ena ràdio, ei ua causa que me brembe ath NODO. Totun, es tertúlies en TV3 son cada dia mès semblantes, a on toti es participaires an era madeisha opinion e totes es opinions son dera madeisha color.

Cau contrainformacion en Aran.