21/5/09

INICIATIVA INTERNACIONALISTA TÀ EURÒPA


Eth Tribunal Constitucional a deshèt era illegalizacion d'Iniciativa Internacionalista. Per tant era lista d'Alfonso Sastre se porià presentar entàs eleccions europenques deth dia 7 de junh. Aguesta sentencia a estat votada en Tribunal Constitucional per unanimitat. Ei eth prumèr viatge qu'eth Tribunal Constitucional contraditz ua senténcia dera sala 61 deth Suprem. Açò semble èster ua bona noticia. Se poiran presentar partits de totes es tendències. Encara que non toti es volerien. Se voletz mès informacion sus aguest tèma.

Tanben cau ahiger que an publicat eth sòn manifèst en Aranés. En un principi i ère en Català, Euskara, Galego, Asturianu, Aragonés, Castellano, Llionés e Cántabru e ara fin l'auem podut veir en aranés. Me semble plan coerent qu'un partit politic que s'autonomente internacionalista age eth sòn manifèst enes diferentes lengües des diferentes nacions que i a laguens d'un madeish estat. Cau dider, qu'en un principi non pensaua pas qu'aquiu i apareishesse er aranés, mès ara fin òc, e me semble qu'ei un hèt important qu'er occitan se veigue en lòcs dehòra deth sòn territòri. Que se veigue qu'er occitan existís.

5 comentaris:

godilhaire ha dit...

Los amics del NPA en França ...[www.paisnostre.midiblogs.com]... enfin es França.

Maime ha dit...

Non, los amics dau NPA en Espanha son la lista Izquierda Anticapitalista

http://www.anticapitalistas.org/

Anònim ha dit...

Solet corregir-te ua causa, non ei sala 61 deth suprem, se non que ei ua sala especiau, creada peth article 61 dera LOPJ entà tractar es tèmes d'illegalitzacion de partits politics

segalas-k ha dit...

fòrça gracies per corregir aguesti errors.

Farri ha dit...

er occitan non i ère previst en manifèst d'II-SP, mès en moment de brembar-les, n'agèren cap de problèma en publicar era version occitana deth manifèst.