3/12/08

RADIO ENA VAL D'ARAN



Ena Val d'Aran, coma toti sabetz a ua lengua pròpia e oficiau que ei er aranés (occitan d'Aran) mès non i a television en aranés (occitan) sonque eth diuendres en TV3 entath mieidia e radio 30 o 45 menuts peth maitin ena emisora de Catalunya Informació e pro. Que non i age television e radio pròpies, ac pogui comprene, ei un lòc petit... Tanben esta ben que se hèsquen es informatius deth maitin e un resum dera setmana eth diuendres, mès da era sensacion de que falte quauquarren. En aute costat dera frontèra politica (que non fisica), ena Occitània grana i a diuèrses radios que emten en occitan, es lòcs des d'on emeten aguestes radios ei relatiuament apròp ara Val d'Aran, jo non sai coma foncione aguest tèma, mès tant dificil ei que eth Conselh dera d'Aran hèsque lo necessari entà aconseguir que aguestes radios que s'entenen peth costat dera Val d'Aran, mès en estat francés se poguen arribar a entener en Aran. Torni a repetir que non sai com va açò, se quauquarrés me pòt dider se ei impossible o se non ei tan dificl, ac agrairia molt. Cau tier en compde que jo ena Val d'Aran pogui entener ua radio que s'emet en Madrid e en Barcelona, que ei mès luenh, mès tanben ei vertat que ei eth madeish estat. Escriuent açò jo sonque volia se quauquarrés m'ac pòt explicar. fòrça gracies
Adishatz

4 comentaris:

優次 (Yuji) ha dit...

Jo tanpòc non ne sai arren, mès supausi qu'ei possible dera madeisha faiçon coma hège TV3 en València abantes que se i barressen es sòns repetidors...

Joan de Peiroton ha dit...

Cau ua vertadera volentat politica tà poder transméter es ràdios occitanes der estat francés ena Val.

SERGIBR ha dit...

El dia que escaigui, us dedicaré un bon escrit.

Farri ha dit...

aguest pòst ei molt mès important de çò que semble. Cau hèr-lo a córrer e reclamar tostemp e insistentments, qu'es ràdios en occitan de dehòra d'Aran se poguen escotar ena val, e çò de madeish ara invèrsa. Sonque cau volentat politica.