19/5/09

MANIFESTACION EN CARCASSONA


Torni a apareisher per aciu. Durant aguest long temps que non auem escrit arren en blòg, auem estat fòrça ocupats. Mès ara que sò aciu vau a aprofitar entà parlar-vos sus quauquarren interessant. 
Supausi qu'era majoria d'occitans que liegeratz eth blòg ja sabetz qu'aguest més d'octobre aurà lòc en Carcassona era manifestacion a favor dera lengua occitana. Ei possible qu'aguest blòg lo liege tanben gent que non sapie de que va tot açò. Donques entà d'aguesta gent vau a escrieuer.
Eth 24 d'octobre de 2009 se celebrarà era tresau manifestacion Anem òc! Per la lenga occitana! Ja ei eth dusau an que se hè en Carcassona. Aguesta manifestacion consistís en ua sèrie d'actes e parlaments e ua passejada pes carrèrs dera ciutat. Eth prumèr an s'i apropèren ues 10.000 persones, è dus ans en Besièrs 20.000, e aguest an demorem que siguésquem fòrça mès, e mos hésquem entener per tot. Se i vau aguest an, serà eth prumèr an que i aurè anat, e semble ua causa fòrça interessanta. Ei possible qu'en acabar era jornada, pera net, i age concèrts de musica damb grops occitans. Se voletz mès informacion sus aguesta manifestacion podetz visitar era oèb oficiau: http://anemoc.org
Per un dia que escrieui, vau a aprofitar entà dider-vos que s'a tornat a illegalizar un aute partit basc que se volie presentar entàs eleccions europenques. Eth partit ei Iniciativa Internacionalista. Solet enténer a parlar sus era creacion d'un  nau partit en Euskadi ja comence eth procés entà illegalitzar-lo. Non me semble normau, mès jo non enteni sus politica, supausi que darrèr de tot açò i deu auer interessi politics, er interés per un bipartidisme ja en tot er Estat espanhòu, mès non sabi.
Ua causa mès, durant era setmana que ven, vam a auer ua petita sorpresa en blòg. A jo me semble que serà ua causa fòrça interessanta.
Adishatz a toti.

2 comentaris:

優次 (Yuji) ha dit...

Non penses qu'en compdes de hèr era manif tostemp en Carcassona o Besiers, que serie mielhor cambiar eth lòc cada an? Ben, es der IEO deuen saber se qué hèn...

segalas-k ha dit...

efectivament, me semble que s'aurie d'anar cambiant eth lòc dera manifestacion. Cau auer present qu'Occitània non sonque ei eth Lengadòc. I a uns auti lòcs polits e important a on poder-la hèr. pensi qu'as tota era rason Yuji